Joaquín Ayala, candidato socialista á alcaldía do Concello de Fene, mantivo unha xuntanza con varios integrantes da Agrupación Veciñal de Urbanismo do Concello de Fene, á que asistiron ademais membros da Executiva local do PSdeG-PSOE, María Ares, Rosa Romero e José Rico.

A Agrupación Veciñal trasladou a súa queixa sobre o actual Plan Xeral de Urbanismo de Fene que, aseguran, está a impedir o desenvolvemento do concello. Ayala coincidiu en que o PXOM é o principal freo para o crecemento do pobo e comprometeu todo o seu apoio para unha revisión total do Plan.