O Grupo Municipal Socialista de Fene pediu ao goberno do BNG e EU diversas melloras no contorno do local de ASPANEPS (Asociación de Pais e Nais de nenos e nenas con problemas psicosociais).

O acondicionamento do patio interior con xogos, así como a instalación dun parque biosaudable que permita que os usuarios e usuarias do centro, ou calquera veciño ou veciña, poidan gozar de tempo de ocio activo.

Ademais, pedíuselle que solucionasen un problema de avespas no xardín que impide que usuarios do centro e veciños poidan saír ao patio.